Развојот на автобускиот сообраќај во еден град е тесно поврзан со развојот на самиот град. Скопје има речиси вековна традиција кога станува збор за главната автобуска станица. Поради различни причини, нејзината локација со текот на времето не била постојана, но како објект секогаш ја извршувала својата функција.

Оваа станица – лоцирана во Скопје, е најголемата автобуска станица во земјата. Таа е автобуска станица која остварува најголем дел од возните редови, како домашни така и меѓународни. Нема поголемо место во земјата до кое не постои возен ред од Скопје и обратно. Треба да се напомене и дека тука се реализираат меѓуопштинските и меѓународните линии. Во моментов, автобусите од Скопје сообраќаат до 20 европски земји.

Секоја година се зголемува бројот на возни редови кои се остваруваат од автобуската станица. Треба да се напомене и дека бројот на патници кои ги користат автобуските услуги од година во година се зголемува.

Понатаму, можете да ги видите најважните моменти во развојот на Меѓународната автобуска станица во Скопје.